Görüge élin'ghan ikki xitay puqrasi téxiche qoyup bérilmidi
2004.10.11
Pakistan chégra rayonidiki qoralliq militanlar görüge alghan ikki neper xitay puqrasining birini öltürüsh waqti düshenbe küni toshti. Emma ularning nöwettiki weziyiti hazirghiche éniq emes.
Roytéris axbarat agéntliqining xewer qilishiche, görüge alghuchilar düshenbe küni bayanat élan qilip, eger pakistan bixeterlik qisimliri yerlik waqit 12 giche ular yoshurun'ghan jaylarni qamal qilishni toxtatmisa, bu ikki xitay puqrasini öltürüp tashlaydighanliqini jakarlighan. Hemde kéyin bu waqitni yene 4 sa'et keynige kéchiktürgen idi.
Pakistan militanliri özlirige bomba téngip, görüge élin'ghanlar bilen teng bir öyge yoshurun'ghan bolup, pakistan bixeterlik qisimliri bu öyni qorshiwalghan. Gerche yerlik qebile bashlighi militanlar bilen söhbetleshken bolsimu, lékin söhbet netijilik ayaqlashmidi.
Xewerde ilgiri sürilishiche, görüge alghuchilar yene, pakistandin tutqun qilin'ghan ikki neper el- qe'ide teshkilati ezasini qoyup bérishni telep qilghan. Xitay hökümiti düshenbe küni bayanat élan qilip, pakistan hökümitining pütün küchi bilen ünümlük chare qollinip, görüge élin'ghan xitay puqrasini qutquzushini telep qildi. (Peride)
Munasiwetlik maqalilar
- Xitayning pakistandiki ikki inzhénéri görüge élindi
- Pakistan bilen xitay soda hemkarliqini kéngeytti
- Musherrep gherb döletliri islam dini bilen bolghan mesililirini bir terep qilishi kérek, dédi
- Pakistan amanliq küchliri el qaydining yuqiri derijilik bir xadimini öltürdi
- Shamil basayéf , béslan paji'esige jawabkar ikenlikini étirap qildi