Talibanlar görüge élin'ghan yene bir koriyilikning öltürülgenlikini ashkarilidi

Afghanistandiki bir taliban bayanatchisi düshenbe küni, hökümet taliban mehbuslirini qoyup bermigenliktin, radikal qarshiliq körsetküchilirining yene bir koriyilik görüge élin'ghuchini öltürgenlikini bildürdi.

Metbu'atlar taliban bayanatchisi yüsüf exmedining sözini neqil keltürüp, sung shén isimlik bir koriyilikning shu yerning waqti 8 yérimda étip öltürülgenlikini bildürdi. Taliban bayanatchisining éytishiche, görüge élin'ghuchining jesiti ghezni ölkisining qarabagh rayonida iken.

Taliban bayanatchisi yüsüf yene, eger afghan hökümiti ularning telipige mushundaq sel qarawerse, talibanlar téximu köp koriyilikni öltüridighanliqini agahlandurghan, biraq ular telipining orunlinish möhliti heqqide éniq waqit békitmigen.

Ghezni ölkisining saqchi bashliqi, bixeterlik qisimlirining, jesetni tépish üchün, qarabaghda axturush élip bériwatqanliqini bildürdi.

Bu arida ereb yérim arili téléwiziye istansisida, talibanlar teripidin görüge élin'ghan 21 koriyilikning bir qisimlirining körünüshliri körsitilgenliki heqqide söz taralghan bolup, körünüshte nechche ayalning bashlirigha yaghliq sélip, ténch olturghan, görüge alghuchilarning ularning keynide turghan haletliri körsitilgen iken. (Eqide)