Amérika hökümitining gu'entanamo türmisini taqiwétish pilani yoq iken


2005-06-13
Share

Amérikining mu'awin prézidénti dik chéniy, hökümetning gu'entanamo türmisini taqiwétish pilani yoqliqini eskertip, gu'entanamodiki türmini taqiwétish toghrisidiki teleplerni ret qildi.

Dik chéniy düshenbe küni amérika foks téléwiziye qanilining ziyaritini qobul qilghanda, gu'entanamodiki mehbuslarni " eski ademler" we bu yerdiki mehbuslarning köpchiliki" térrorchilar" dep körsetti. Dik chéniyning tekitlishiche, xeterlik emes, dep qaralghan bezi gumanliq unsurlar tekshürüshtin kéyin qoyup bérilgen. Emma hazirgha qeder tutup turuliwatqanlarning köpchiliki intayin xeterlik unsurlar hésablinidiken.

Yéqindin béri amérika dölet mejlisidiki bezi ezalar gu'entanamo türmisini tenqid qilghan. Amérika kéngesh palata ezasi josif baydin, amérika armiyisining bashqurushidiki mezkur türmini taqiwétishni telep qilghan.

Kéngesh palata ezasi mil martiniz, bush hökümitini gu'entanamodiki türmini taqiwétishni oyliship körüshke chaqirghan. Emma prézidént bush, "amérikini qoghdashning her xil yolliri üstide izdinidighanliqini" bildürmekte.

Dik chéniy, "hazirche gu'entanamoni taqiwétish pilanimiz yoq, prézidéntning diyishiche, biz hemme ammilarni küzde tutqunimizda bazini saqlap qélishimizgha toghra kélidiken," dédi.

Hazir gu'entanamodiki qamaqxanida 540 neper mehbus bar. Amérika mehbuslar ichidiki 22 neper Uyghurning amérikigha tehdit, dep qaralmaydighanliqini jakarlap, ularning xitaygha qayturulmaydighanliqini élan qilghan idi. Emma Uyghur mehbuslarni qobul qilishni xalaydighan 3 - bir dölet hazirgha qeder chiqmighan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet