Гуәнтанамодики уйғурларниң вәзийити йәнила хәтәр астида турмақта


2006.04.20
Share on WhatsApp
Share on WhatsApp

Гуәнтанамо түрмисидә тутуп турулуватқан 22 нәпәр уйғур мәһбусниң әһвали йәнила хәтәр астида болуп, хитай дөләт рәиси ху җинтав америкида зиярәттә болуватқан бир пәйттә ,хитай ташқи ишлар министирлиқи гуәнтанамидики уйғурларни хитайға қайтуруп беришни тәләб қилди.

Америка дөләт мудапиә министирлиқи, чаршәнбә күни гуәнтанамо түрмисидә тутуп турулуватқан 558 нәпәр тутқунниң тизимликини елан қилған иди. Елан қилинған тизимлик ичидә абдул разақ, әхмәд адил, әркин махмуд қатарлиқ 22 нәпәр уйғур тутқуниму болуп, мәзкүр мәһбуслар 4 йилдин бери бу түрмигә қамалған.

Гәрчә америка даирилири, 22 нәпәр уйғур мәһбусни қайтурмаслиқни қарар қилип, бир қанчә дөләтләрдин уларни қобул қилишни илтимас қилған болсиму, бирақ һазирғичә һечқандақ бир дөләт уйғур тутқунлирини өз панаһиға алмиди. Көзәткүчиләрниң тәкитлишичә , бу хитай һөкүмитиниң түрлүк йолларда елип бериватқан дипломатик оюнлири түпәйли мәйданға кәлгән икән.

Бу қетимқи зиярәт пурситини чиң тутқан хитай һөкүмити, ху җинтав арқилиқ уйғур тутқунлирини өзлиригә қайтуруп беришни тәләп қилған.

Америка уйғур бирләшмисиниң рәиси нури түркәл әпәнди бу һәқтә зияритимизни қобул қилип, уйғур мәһбусларни қайтурмаслиқ мәсилисидә америка һөкүмитигә ишинидиғанлиқини, нөвәттә бу мәсилиниң америка көңүл бөлидиған бир муһим мәсилигә айланғанлиқини билдүрди. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.