Gu'entanamodiki Uyghurlarning weziyiti yenila xeter astida turmaqta


2006-04-20
Share

Gu'entanamo türmiside tutup turuluwatqan 22 neper Uyghur mehbusning ehwali yenila xeter astida bolup, xitay dölet re'isi xu jintaw amérikida ziyarette boluwatqan bir peytte ,xitay tashqi ishlar ministirliqi gu'entanamidiki Uyghurlarni xitaygha qayturup bérishni teleb qildi.

Amérika dölet mudapi'e ministirliqi, charshenbe küni gu'entanamo türmiside tutup turuluwatqan 558 neper tutqunning tizimlikini élan qilghan idi. Élan qilin'ghan tizimlik ichide abdul razaq, exmed adil, erkin maxmud qatarliq 22 neper Uyghur tutqunimu bolup, mezkür mehbuslar 4 yildin béri bu türmige qamalghan.

Gerche amérika da'iriliri, 22 neper Uyghur mehbusni qayturmasliqni qarar qilip, bir qanche döletlerdin ularni qobul qilishni iltimas qilghan bolsimu, biraq hazirghiche héchqandaq bir dölet Uyghur tutqunlirini öz panahigha almidi. Közetküchilerning tekitlishiche , bu xitay hökümitining türlük yollarda élip bériwatqan diplomatik oyunliri tüpeyli meydan'gha kelgen iken.

Bu qétimqi ziyaret pursitini ching tutqan xitay hökümiti, xu jintaw arqiliq Uyghur tutqunlirini özlirige qayturup bérishni telep qilghan.

Amérika Uyghur birleshmisining re'isi nuri türkel ependi bu heqte ziyaritimizni qobul qilip, Uyghur mehbuslarni qayturmasliq mesiliside amérika hökümitige ishinidighanliqini, nöwette bu mesilining amérika köngül bölidighan bir muhim mesilige aylan'ghanliqini bildürdi. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet