B d t ning kishilik hoquq tekshürüsh ömiki gü'entanamoni ziyaret qilishni ret qildi

B d t ning kishilik hoquq ishliri boyiche tekshürüsh ömiki gü'entanamodiki mehbuslar ‎bilen erkin uchrishishqa yol qoyulmighiche, gü'entanamodiki mehbuslar bazisida ‎tekshürüsh élip bérishni ret qildi. Tekshürüsh ömikining ezasi manfréd nowak, eger ‎mehbuslar bilen söhbet ötküzüshke bolmisa, tekshürüsh wezipisini orundighili bolmaydu, ‎dep tekitligen. ‎

Buning aldida amérika, b d t kishilik hoquq tekshürüsh ömikining gü'entanamoda ‎tekshürüsh élip bérishigha yol qoyudighanliqini élan qilghan. Biraq amérika herbiy ‎da'iriliri, qizil krést jem'iyitila gü'entenamodiki gumanliq térorchilarni ziyaret qilishqa ‎hoquqluq, dep qarimaqta. Ularning eskertishiche, bu kishiler qoralliq toqunush jeryanida ‎esirge élin'ghan. ‎

Amérika dölet mudapi'e ministirliki ötken hepte b d t tekshürüsh ömikini bazida ‎tekshürüsh élip bérishqa teklip qilghan. Amérika dölet mudapi'e ministirlikining ‎eskertishiche, b d t xadimlirini tekshürüsh élip bérishke teklip qilish, amérikining ‎‎"yoshuridighan nerse yoq ikenlikini" ni bildürüsh iken. ‎

Gü'entanamo bazisida hazir 500 din artuq mehbus tutup turulmaqta. Ularning köpchiliki ‎afghanistanda esirge élin'ghan. Igillishimizche, tutqunlar ichidiki bezi Uyghurlar bir ‎qanche ayning aldida baza sirtidiki bir qeder erkin rayon'gha yötkiwétilgen. (Erkin)‎