Mekkide yüz bergen bina örülüsh hadisiside az dégende 23 adem qaza qilghan

5 ‏- Yanwar küni, se'udi erebistanning mekke shehiride bir méhmanxanining örülüp chüshüshi netijiside az dégende 23 adem qaza qilghan.

Roytré'is agéntliqining mekke shehiridin xewer qilishiche, yüzminglighan musulman hej perzini ada qilish üchün mekke shehirige yighilghan bir mezgilde yüz bergen weqede yene az dégende 39 kishi yarilan'ghan. Xewerlerge qarighanda, musulmanlarning eng muqeddes makani hésablan'ghan mekke shehirige hazirghiche hej qilish üchün bir milyon musulman yighilghan bolup, se'udi hej idarisi mes'ullirining bildürüshiche, aldimizdiki yekshenbe künigiche yeni hej pa'aliyiti bashlan'ghuche mezkur sheherge ikki yérim milyon musulman kélidiken.

Xewerlerge qarighanda, örülüp chüshken mihmanxana mekke shehirining tar we awat kochilirining birige jaylashqan bolup weqe yüz berginide méhmanxanida 39 kishi bar iken.

Radi'omizning igilishiche, weqede mekke shehiridiki Uyghur haji namzatliri héchqandaq ziyan'gha uchrimighan.

Yéqinqi yillarda hej mezgilide ot kétish, bina örülüp chüshüsh qatarliq nurghun hadisiler yüz bergen bolup, 2004 ‏- yili yüz bergen weqede 250 kishi ölgen idi. (Eqide)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar