Shangxey hemkarliq teshkilati birleshme herbiy maniwér ötküzmekchi


2006.04.26
Share on WhatsApp
Share on WhatsApp

Charshenbe künidiki shangxey hemkarliq teshkilatining mudapi'e ministirlar yighinida rehberler birleshme bayanat élan qilip, kéler yili térrorchiliqqa qarshi birleshme herbiy maniwér ötküzüshni békitti.

Amérika birleshme agéntliqining melum qilishiche, ministirlar bayanatida 2007‏- yili rusiyide, shangxey hemkarliq teshkilatining ramkisi ichide térrorchiliqqa qarshi birleshme maniwér ötküzidighanliqini bildürgen.

Ministirlar birleshme bayanatida yene, nöwette térrorchiliq, bölgünchilik, diniy esebiylik, keng kölemde yoqitish xaraktérlik qorallarning tarqilishi, muhit bulghinishi we yuqumluq késelliklerge oxshash yéngi riqabet we tehditlerning barghanséri küchiyiwatqanliqini, shunga shangxey hemkarliq teshkilatining eza döletlerning bu mesililerni hel qilishtiki ünümlük apparatigha aylinishi lazimliqini körsetken.

Shangxey hemkarliq teshkilati rusiye bilen xitayni asas qilghan bir organ bolup, uning tüp meqsidi, amérikining bu rayondiki tesir da'irisige taqabil turush. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.