Afghanistan bilen xitay térrorchiliq we zeherlik chékimlikke qarshi turush kélishimi imzalidi

• 
  2006-06-20

Afghanistan prézidénti hamid karzay xitay rehberlirini junggoning yer shari iqtisadi we diplomatiyisidiki küchini insanperwerlik sahelerde téximu köp gewdilendürüshke chaqirdi.

Karzay seyshenbe küni béyjing uniwérsitétining oqughuchilirigha sözligen nutuqida, " siler mes'uliyitinglar barliqini unutmasliqinglar kérek.......... Siler kélechekning rehberliri bolghanda xitay aldidila emes, bu rayonda we pütün dunya aldida mes'uliyitinglar barliqini unutmasliqinglar lazim"deydu.

Karzay nutuqida ,xitayning kishilik hoquq teshkilatliri teripidin da'im tenqidke uchrap kéliwatqan öktichiler, oxshimighan köz qarashtiki diniy zatlar we az sanliq milletler mesilisini tilgha almighan bolsimu, lékin u " insanperwerlik mesilisige téximu jiddiy mu'amile qilish mes'uliyitini yüklimekte " dep körsetti.

Karzay yekshenbe kündin béri xitayni 4 künlük ziyaret qilmaqta. U düshenbe küni xitay dölet re'isi xu jintaw bilen asasliqi iqtisadi hemkarliqni mezmun qilghan 11 türlük kélishim imzalighan we bu kélishimler térrorchiliq we zeherlik chékimlikke qarshi turush qatarliq mezmunlarnimu öz ichige alidu.

Karzay béyjingdiki ziyaritini axirlashturghandin kéyin Uyghur aptonom rayonida toxtap ötidu. Bu xewer yéziliwatqan chaghda u ürümchige bérip bolghan bolushi mumkin. (Erkin)