Америкиниң асия- тинч окян қоманданлиқ штабиниң баш қомандани хитайда зиярәттә болди

Дүшәнбә күни, америкиниң асия- тинч окян қоманданлиқ штабиниң баш қомандани хитайда зиярәттә болди вә хитайниң мунасивәтлик рәһбәрлири билән көрүшти.

Бу қетимлиқ зиярәт китиң әпәндиниң хитай даирилири америка авиаматкисиниң хоңкоңда тохтап өтүш тәлипини рәт қилғандин кийин тунҗи қетим хитайға зиярәткә келиши болуп һесаблиниду.

Бирләшмә агентлиқида шинхуа ахбарат агентлиқи бәргән хәвәрләрдин нәқил елип көрситишичә, америка асия-тинч окян қоманданлиқ штабиниң қомандани адм тимоти китиң хитайниң ташқи ишлар министири яң җйечи билән учришип йепиқ һаләттә сөһбәт елип барған болуп, яң җйечи америка тәрәпниң тәйвән боғузиниң бихәтәр болушиға капаләтлик қилиши керәкликини тәкитлигән вә буниң хитай- америка мунасивәтлириниң сағлам тәрәққй қилишидики негизлик тәрәп икәнликини оттуриға қойған.

11- Айда, америкиниң бүркүт бачкиси намлиқ авиаматкисиниң хоңкоңда тохтап өтүш тәлипи рәт қилинған болуп , шу һәптидә хитай йәнә , америкиниң җәмий икки һәрбий парахотиниң хоңкоңда тохтап өтүшини рәт қилип қайтурувәткән иди.

Китиң йәнә , хитай мәркизий һәрбий қоманданлиқ штабниң штап башлиқи чен биңде вә хитай мәркизий һәрбй комитетиниң муавин рәиси го бошиңлар билән учришидикән.

Җуңгу гезитидә көрситишичә, китиң билән хитайниң мунасивәтлик рәһбәрлири арисида елип берилған сөһбәтләр, хитай-америка һәрбий мунасивәтлирини илгири сүрүш, тәйвән, хәлқара вә район характерлик мәсилиләр үстидә болған.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар