Һиндистандики партлаш


2005.10.30
Share on WhatsApp
Share on WhatsApp

Һиндистанниң пайтәхти йеңи деһлида 10-айниң 29-күни арқиму-арқидин үч қетим партлаш йүз берип, өлгәнләрниң сани 60 әтрапида болған, 200 әтрапида адәм яриланған иди. Бу техи йеқиндила йүз бәргән йәр тәврәш апитиниң тәсиридин қийниливатқан һиндистан үчүн йәнә бир қетимлиқ зәрбә болуп һесабланған.

Б б с агентлиқиниң учуридин қариғанда, вәқәдин кейин һиндистан сақчи даирилири җиддий һаләткә өткән. Йеңи деһлидики барлиқ базарлар тақиветилгән. Кишиләрниң сиртқа чиқмаслиқи уқтурулған. Сақчилар муһим бина вә нуқтиларни қамал қилған.

Хәвәрләрдин қариғанда һиндистан сақчи даирилири таки һазирғичә вәқәни кәлтүрүп чиқарғанларни ениқлап чиқалмиған болсиму, көплигән гуманлиқ адәмләрни қолға елип тәкшүрмәктә. Сақчи даирилириниң бу вәқәни кәшмир мустәқилчи гуруппилириниң пәйда қилғанлиқидин гуман қилидикән.

Һиндистан һөкүмәт тәрәп вәқәни пәйда қилғучиларни әйибләп, уларниң һиндистан-пакистан сөһбитигә бузғунчилиқ қилишқа урунғанлиқини көрсәткән. Пакистан тәрәпму билдүрүш елан қилип, бу террорлуқни қәтий әйибләйдиғанлиқини билдүргән.

Буниңдин илгири йәр тәврәш вәқәси мунасивити билән һиндистан вә пакистан сөзлишип, икки тәрәпниң контроллуқидики кәшмир чегрисини ечивәткән иди. (Үмидвар)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.