Һиндистан җуңгони доримайду


2007-03-18
Share

Һиндистан санаәт ишлири әмәлдари һиндистанниң санаәтлишиштә хитайни доримайдиғанлиқини билдүрди.

Әнгилийә б б с агентлиқиниң учуридин мәлум болушичә, шәнбә күни һиндистан санаәт ишлири әмәлдари җаирам рамәш "һиндистан хитай әмәс, һиндистанниң хитайниң санаәтлишиш моделини доримайду, биз өзимизниң бир йүрүш мувапиқ тәрәққият моделини тепишимиз лазим" дегән.

Рамәшниң бу сөзлири хәлқара мәтбуатларниң диққитини тартқан болуп, чүнки, бир қисим һиндистан мутәхәссислири һиндистан билән хитайниң нопус вә башқа җәһәтләрдики бир қисим охшашлиқлириға қарап туруп, һиндистанниң хитайниң иқтисадий ислаһат вә санаәт тәрәққият усулидин үлгә елишни тәшәббус қилған. Һиндистанниң ғәрбий бенгал шитатида коммунистлар үстүнлүкни игилигән болуп, бу шитати 70-80-йилларда йәр ислаһати болған болса, 90-йиллардин кейин санаәтләштүрүш ислаһати башлинип, хәлқниң наразилиқини кәлтүрүп чиқарған иди.

Мушу бир қанчә шитатларда коммунист қораллиқ партизанлири билән һөкүмәт әскәрлири арисида уруш йүз берип, көп адәмниң өлүми келип чиққан. Бу қетим мәзкур ғәрбий бенгал шитати һөкүмити бир иқтисадий ислаһат райони йәни санаәт базиси қуруп чиқиш үчүн кишиләрниң йәрликни мәҗбури алғанлиқи сәвәбидин хәлқ наразилиқ намайиши өткүзгән.

Һиндистан санаәт әмәлдари сөзидә һиндистанниң мәдәнийәт вә әнәнисидики "қәдәмму-қәдәм илгириләш" роһи бойичә иш көрүш керәкликини, хитайниң санаәтлишиш қәдимини мәҗбури илгири сүрүш усули бойичә иш көрүшниң намувапиқ икәнликини тәкитлигән, (үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт