Hindistan junggoni dorimaydu
2007.03.18
Hindistan sana'et ishliri emeldari hindistanning sana'etlishishte xitayni dorimaydighanliqini bildürdi.
En'giliye b b s agéntliqining uchuridin melum bolushiche, shenbe küni hindistan sana'et ishliri emeldari ja'iram ramesh "hindistan xitay emes, hindistanning xitayning sana'etlishish modélini dorimaydu, biz özimizning bir yürüsh muwapiq tereqqiyat modélini tépishimiz lazim" dégen.
Rameshning bu sözliri xelq'ara metbu'atlarning diqqitini tartqan bolup, chünki, bir qisim hindistan mutexessisliri hindistan bilen xitayning nopus we bashqa jehetlerdiki bir qisim oxshashliqlirigha qarap turup, hindistanning xitayning iqtisadiy islahat we sana'et tereqqiyat usulidin ülge élishni teshebbus qilghan. Hindistanning gherbiy bén'gal shitatida kommunistlar üstünlükni igiligen bolup, bu shitati 70-80-yillarda yer islahati bolghan bolsa, 90-yillardin kéyin sana'etleshtürüsh islahati bashlinip, xelqning naraziliqini keltürüp chiqarghan idi.
Mushu bir qanche shitatlarda kommunist qoralliq partizanliri bilen hökümet eskerliri arisida urush yüz bérip, köp ademning ölümi kélip chiqqan. Bu qétim mezkur gherbiy bén'gal shitati hökümiti bir iqtisadiy islahat rayoni yeni sana'et bazisi qurup chiqish üchün kishilerning yerlikni mejburi alghanliqi sewebidin xelq naraziliq namayishi ötküzgen.
Hindistan sana'et emeldari sözide hindistanning medeniyet we en'enisidiki "qedemmu-qedem ilgirilesh" rohi boyiche ish körüsh kéreklikini, xitayning sana'etlishish qedimini mejburi ilgiri sürüsh usuli boyiche ish körüshning namuwapiq ikenlikini tekitligen, (ümidwar)
Munasiwetlik maqalilar
- Hindistandin pakistan'gha kétiwatqan poyiz partlap 60 nechche kishi öldi
- Hindistan-xitay chégra söhbiti yene bashlandi
- Xu jintawning hindistan ziyaritidin burunqi qelem urushi
- Hindistan xitay shirkitining mumbaydiki port yasash programmisigha qatnishishini ret qildi
- Bombaydiki partlashta ölgenlerning sani 200 ge yetti