Һиндистан ядро оқ беши елип йүрүш иқтидариға игә башқурулидиған бомба синиқи елип барди


2007-04-12
Share

Һиндистан дөләт мудапиә министирлиқи хадиминиң билдүрүшичә, һиндистанниң пәйшәнбә күни елип барған, ядро оқ беши елип йүрүш иқтидариға игә башқурулидиған бомба синиқи мувәппәқийәткә еришкән.

Хәвәрдин мәлум болушичә, мәзкур башқурулидиған бомба, хитайниң бейҗиң вә шаңхәй шәһәрлирини нишанға алалайдикән.

Һиндистанниң ядро оқ беши елип йүрүш иқтидариға игә башқурулидиған бомба синиқи мувәппәқийәткә еришкәндин кейин, хитай ташқи ишлар министирликиниң баянатчиси, чиң гаң бу һәқтә дәрһал инкас қайтуруп, мәзкур бомба синиқи җуңгониң диққитини қозғиғанлиқини билдүрүш билән биргә, һиндистанни районниң бихәтәрлики вә муқимлиқини күчәйтишкә чақирди.

Чиң гаң сөзидә йәнә "биз һиндистанниң район бихәтәрлики үчүн актип төһпә қошушини вә актип рол ойнишини үмид қилимиз" деди.

Һиндистан синақ қилған 48 тонна еғирлиқтики ядро оқ беши елип йүрүш иқтидариға игә башқурулидиған бомбиниң узунлиқи 16 метир болуп, 4000 километир йирақлиқтики нишанға йетәләйдикән. Өткән йили 7 ‏- айда бир қетим елип берилған бу синақ мәғлуб болған иди. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт