Hizbi tehrirning jakartadiki yéghilishigha 80 mingdin artuq adem qatnashti


2007.08.12
Share on WhatsApp
Share on WhatsApp

Hizbi tehrir yeni azatliq partiyisi namliq radikal islamiy heriket teripidin yekshenbe küni hindonéziyining paytexti jakarta shehiride ötküzülgen yighilishqa 80 din artuq adem qatnashti.

Hizbi tehrir mes'ullirining bildürüshiche, bu qétimqi yighilish, musulmanlarning tinchliq yoli bilen dunyada islam xelipilikini qaytidin tiklesh iradisini kücheytishni meqset qilidiken.

Hizbi tehrirning hindunéziyidiki bayanatchisi isma'il yusanto, yéghilishning ichilishida qilghan sözide, dunya musulmanlirining islam xelipiliki gumran qilin'ghandin béri türlük musibetlerge uchrap kéliwatqanliqini tekitlep, mustemlikichiler bizni 50 ayrim döletke bölüp, her bir dölette özliri xalighan kishilerni hakimiyet béshigha chiqirip qoydi, dégen.

Dunya musulmanlirini birleshtürüsh we bir bayraq astigha yighishni meqset qilghan hizbi tehriri herikiti 1953‏- yili pelestinde qurulghan. Nurghunlighan erep döletliri we ottura asiya jumhuriyetliri hizbi tehrir herikiti we mezkur heriketning pa'aliyetlirini chekligen. Lékin xewerlerge qarighanda, yéqinqi yillardin béri hindunéziyide hizbi tehrir herikiti tesir da'irisi barghansiri kéngeymekte.

Bezi gherb döletliri hizbi tehrirning radikal islam militantliri bilen alaqisi barliqini ilgiri sürmekte. Emma hizbi tehrir mes'ulliri, heriketning tinchliqni terghib qilidighan bir heriket ikenlikini we radikal islamiy éqimlar bilen munasiwiti yuqliqini tekitlimekte.

Jakarta shehiridiki yighilishqa mötidil köz qarashtiki islamiy teshkilatlarning wekillirimu teklip qilin'ghan. Emma hizbi tehrir mes'ullirining bildürüshiche, hindonéziye da'iriliri, yighilishqa teklip qilin'ghan nurghun musulman pa'aliyetchilerning hindonéziyge kirishige ruxset bermigen. (Ömer qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet