Xu jintaw boying ayrupilanini yasash zawutini ziyaret qildi
2006.04.19
Amérikida ziyarette boluwatqan xitay dölet re'isi xu jintaw charshenbe küni dunyadiki ayrupilan yasash sahesining eng chongi bolghan boying shirkitining ayrupilan yasash zawutini ziyaret qildi.
Téxi bir qanche künning aldida xitay hökümiti amérikidin 4 yérim milyard amérika dolliri qimmitidiki 80 dane boying ayrupilanini sétiwélish kélishimini imzalighan idi. Boying shirkiti hetta, xitaylar en'eniside 8 dégen reqemni yaxshi körgenliki üchün bu ayrupilanlarni burunqi boying 747 din boying 787 qilip yasap bérishke qoshulghan.
Xu jintaw seyshenbe küni amérikigha qedem qoyghan küni washin'gton shitatining siyatul shehiride maykrosoft yumshaq détal shirkitining xojayini bil géytsning kütiwélishigha érishti. Shu küni xu jintaw yene, maykrosoft shirkitining bash shitabini ziyaret qildi hemde xitay hökümitining buningdin kéyin dawamliq eqliy mülükni qoghdash jehette aktip heriket qilidighanliqini tekitligen.
Bil géyts xu jintawning ziyariti üchün seyshenbe küni kechte özining dachisida ziyapet oyushturghan hemde buninggha washin'gton shitat bashliqi we siyatul sheher bashliqimu qatnashqan. Xu jintaw charshenbe küni kech amérikining paytexti washin'gton'gha qarap yolgha chiqidu. U peyshenbe küni aq sarayda prézidént bush bilen uchrashmaqchi. Shundaqla ikki terep asasliqi amérikining xitaygha pul islahati toghrisida bésim ishlitishi, xitayning kishilik hoquq xatirisi, tashqi soda hemde shimaliy koriye we iran mesililiride söhbetlishishi mumkin. (Peride)
Munasiwetlik maqalilar
- Xu jintaw amérikini ziyaret qilishqa bashlidi
- Amérika dölet mejlisi xitaydin yang jyenlini qoyup bérishni telep qildi
- Xu jintawgha qarshi namayish Uyghurlar bilen teywenliklerge qaldi
- Xu jintawgha 'chenlung ghojamning jini' chaplishiptu
- Xu jintawning ziyariti harpisida amérikidiki xitaygha qarshi teshkilatlar naraziliq pa'aliyetliri ötküzüshke teyyarliq körmekte