خىتاي رەئىسى خۇ جىنتاۋ پاكىستان زىيارىتىنى ئاخىرلاشتۇردى


2006-11-26
Share

خىتاي دۆلەت رەئىسى خۇ جىنتاۋ يەكشەنبە كۈنى پاكىستانغا قاراتقان زىيارىتىنى ئاخىرلاشتۇرۇپ، دۆلىتىگە قايتتى.

خىتاي ئاگېنتلىقلىرىنىڭ ئۇچۇرلىرىدىن قارىغاندا، خۇ جىنتاۋ پاكىستان بىلەن ئىقتىسادىي، ھەربىي ۋە مەدەنىيەت ھەمكارلىقلىرى ھەققىدە كېلىشىملەر تۈزۈپ، بۇ جەھەتتىكى تەرەققىياتنى ئىلگىرى سۈرۈشكە ۋەدە بەرگەن.

خۇ جىنتاۋ پاكىستان سودا ساھەسى بىلەن كۆرۈشكەندىمۇ بۇ مەسىلىنى ئالاھىدە تەكىتلىگەن. ئۇ يەكشەنبە كۈنى پاكىستاننىڭ لاھور شەھىرىدىكى بىر قەدىمى باغچىدا ئۆتكۈزۈلگەن مۇخبىرلارنى كۈتۈۋېلىش يىغىنىدا نۇتۇق سۆزلەپ، پاكىستان-خىتاي سودا ھەمكارلىقلىرى مۇناسىۋىتىنىڭ ئەھمىيىتىنى كۆرسەتكەن.

جۈمە كۈنى مۇشەررەپ بىلەن خۇ جىنتاۋ پاكىستان بىلەن خىتاي ئارىسىدىكى سودىنى كېلەركى بەش يىل ئىچىدە 15 مىليارد دوللارغا يەتكۈزۈشنى مۇددىئا قىلغان بىر سودا كېلىشىمىگە قول قويغان شۇنىڭ بىلەن بىر ۋاقىتتا خىتاينىڭ پاكىستاننىڭ يادرو قوراللىرىنى راۋاجلاندۇرۇش پىلانىغا ياردەم قىلىدىغانلىقى ھەققىدىمۇ ۋەدە بەرگەن ئىدى.

پاكىستان بىلەن خىتاي يەنە تېررورچىلىققا قارشى تۇرۇشتىكى ھەمكارلىق مەسىلىسىنى تەكىتلىگەن بولۇپ، پاكىستان ھۆكۈمىتى ئىلگىرى بىر قانچە نەپەر ئۇيغۇرنى تۇتۇپ خىتاي ھۆكۈمىتىگە ئۆتكۈزۈپ بەرگەن، بۇلار ئۆلۈمگە ھۆكۈم قىلىنغان ئىدى. پاكىستان ئۇيغۇر سىياسىي پائالىيەتلىرىگە زەربە بېرىشتە خىتاينىڭ ئىشەنچىلىك ياردەمچىسىگە ئايلانغان. (ئۈمىدۋار)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت