Ху җинтав пакистандики зияритини башливәтти


2006-11-23
Share

Хитай дөләт рәиси ху җинтав пәйшәнбә күни, пакистанда елип баридиған төт күнлүк зияритини башливәтти. Бу хитай дөләт әмәлдариниң 10 йилдин буян тунҗи қетим мәзкүр дөләткә елип барған зиярити һесаблиниду.

Хитай хәвәр агентлиқлириниң бу һәқтә бәргән хәвиригә қариғанда, бу қетимқи зиярәт, икки дөләт оттурисидики сиясий, иқтисадий, мәдәнйәт вә һәрбий җәһәттики һәмкарлиқларни күчәйтиштә түрткилик рол ойнайдикән.

Бу арида пакистан һәрбий даирилири, пакистан билән хитайниң мудапиә саһәси буйичә өз ‏- ара һәмкарлиқ келишими һасил қилидиғанлиқини билдүрди.

Пакистан илгири америкиниң өзлирини ядро санаити билән тәминлишини оттуриға қойған иди, әмма америка тәрәп пакистанниң тәлипини рәт қилиш билән биргә , һиндистан билән хәлқ игилики ядро әслиһәлири келишиими түзди. Буниңға наразилиқ билдүргән пакстан дәрһал бейҗиң билән ядро җәһәттики һәмкарлиқни алаһидә күчәйтти.

Көзәткүчиләрниң ейтишичә, һиндистан хитайниң изчил түрдә пакистан билән һәрбий мунасивәтни тәрәққи қилдуруш үчүн мақуллиған келишимлиригә гуман билән қариған , буниң билән хитай вә һиндистан оттурисидики мунасивәтму йирикләшкән.

Нөвәттә хитай пакистанни қорал билән тәминләватқан асаслиқ дөләт болуп, хитай йәнә пакистанниң ядро електир истансиси қурушиға алаһидә ярдәм көрсәтмәктә. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт