Канада поуқралириниң көпчилики һүсәйин җелил мәсилисидә һөкүмәтниң қәти болушини яқлиди


2007.05.04

Канададики ангус рейд стиратигийиләр иниститути, дәп атлидиған бир органниң һүсәййин җелил мәсилиси тема қилған хәлқ райини синаш нәтиҗисидин мәлум болушичә, рай синашқа қатнашқан канада пуқралириниң % 73 и канада һөкүмити хитай даирилириниң һүсәйин җелилнға муддәтсиз қамақ җазаси бәргәнликигә дипломатик қаналлар билән наразилиқ билдүрүш яки ашкарә тәнқид қилиш керәк, дәп қариған.

Рай синашқа қатнашқучиларниң % 15 канада һөкүмити бу мәсилә билән кари болмаслиқи керәк шундақла хитай қанун органлириниң қарарини қобул қилиш керәк, дәп қарайдиғанлиқини билдүргән. Һүсәйин җелилни қоллиғучиларниң % 46 мәсилини дипломатик қаналлар билән һәл қилишни тәләп қилди. % 27 Қатнашқучи, хитай даирилирини ашкарә тәнқид қилишни қоллиди.

Хитай даирилири йеқинда өткән йили өзбекистандин өткүзүвалған канада пуқраси һүсәйин җелил үстидин үрүмчидә мәхпий сот ечип, уни муддәтсиз қамақ җазасиға һөкүм қилди. Сот мәһкимисиниң һөкүмини канада ташқий ишлар министири петер мекей бейҗиңни зиярәт қилиштин сәл бурун елан қилинған болуп, һүсәйин җелил мәсилиси петер мекейниң 30 - априлдики бейҗиң зияритидә муһим күнтәртипни игиллигән.

Бу қетимқи рай синашқа қатнашқучиларниң % 35 и, канада һөкүмитиниң һүсәйин җелил мәсилисини бир тәрәп қилиш усулидин мәмнун әмәсликини билдүргән. Хитай һөкүмити һүсәйин җелилни өткән йили 5 - айда өзбекистандин өткүзүвалғандин бери, униң канада пуқраси икәнликини инкар қилмақта. Шундақла канада дипломатлириниң униң билән көрүшүш тәлипини рәт қилип кәлмәктә. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.