Kanada po'uqralirining köpchiliki hüseyin jélil mesiliside hökümetning qet'i bolushini yaqlidi


2007-05-04
Share

Kanadadiki an'gus réyd stiratigiyiler inistituti, dep atlidighan bir organning hüseyyin jélil mesilisi téma qilghan xelq rayini sinash netijisidin melum bolushiche, ray sinashqa qatnashqan kanada puqralirining % 73 i kanada hökümiti xitay da'irilirining hüseyin jéliln'gha muddetsiz qamaq jazasi bergenlikige diplomatik qanallar bilen naraziliq bildürüsh yaki ashkare tenqid qilish kérek, dep qarighan.

Ray sinashqa qatnashquchilarning % 15 kanada hökümiti bu mesile bilen kari bolmasliqi kérek shundaqla xitay qanun organlirining qararini qobul qilish kérek, dep qaraydighanliqini bildürgen. Hüseyin jélilni qollighuchilarning % 46 mesilini diplomatik qanallar bilen hel qilishni telep qildi. % 27 Qatnashquchi, xitay da'irilirini ashkare tenqid qilishni qollidi.

Xitay da'iriliri yéqinda ötken yili özbékistandin ötküzüwalghan kanada puqrasi hüseyin jélil üstidin ürümchide mexpiy sot échip, uni muddetsiz qamaq jazasigha höküm qildi. Sot mehkimisining hökümini kanada tashqiy ishlar ministiri pétér mékéy béyjingni ziyaret qilishtin sel burun élan qilin'ghan bolup, hüseyin jélil mesilisi pétér mékéyning 30 - aprildiki béyjing ziyaritide muhim küntertipni igilligen.

Bu qétimqi ray sinashqa qatnashquchilarning % 35 i, kanada hökümitining hüseyin jélil mesilisini bir terep qilish usulidin memnun emeslikini bildürgen. Xitay hökümiti hüseyin jélilni ötken yili 5 - ayda özbékistandin ötküzüwalghandin béri, uning kanada puqrasi ikenlikini inkar qilmaqta. Shundaqla kanada diplomatlirining uning bilen körüshüsh telipini ret qilip kelmekte. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet