Xu jintaw kanada bash ministiri bilen uchrishishtin qachti

Wéytnam paytexti xanoyda kanada bash ministiri stipan xarpér bilen uchrashmaqchi bolghan xitay dölet re'isi xu jintaw, kanada bash ministirining xitay türmisidiki kanada puqrasi hüseyin jélil mesilisini otturigha qoyidighanliqidin xewer tapqandin kéyin, uning bilen uchrishishtin ozini qachurdi.

Kanada metbu'atlirining xewer qilishiche, xu jintaw kanada bash ministiri bilen uchrishishni bikar qilghan. Buning aldida xitay tashqi ishlar ministirliqi aldinqi küni xu jintawning stipan xarpér bilen ayrim uchrishidighanliqini élan qilghan. Nöwette ikki dölet rehbiri wéytnam paytexti xanoyda a t o i h t ning bashliqlar yighinigha qatnashmaqta.

Hüseyin jélilning xanimi kamile téléndibayiwaning kanada metbu'atlirigha ashkarilishiche, stipan xarpér kamilege xu jintaw bilen körüshse, hüseyin jélil mesilisini otturigha qoyush pilani barliqini bildürgen. Stipan xarpér höseyin jélil mesilisini ima qilip," bir kanada puqrasi shexsi süpitide adaletsiz mu'amilige uchrisa, puqralirimizni qoghdash we közqarishimizni otturigha qoyush bizning exlaqiy burchimiz " dep tekitligen idi. "

"Toronto quyash" gézitining bu heqtiki bir maqaliside körüshüsh xitay terep bash ministir stipan xarpérning xitay kishilik hoquq xatirisi we höseyin jélil mesilisini otturigha qoymaqchi bolghanliqidin xewer tapqandin kéyin bikar qilin'ghanliqini bildürdi. Kanada tashqiy ishlar ministirliqidiki emeldarlar aldinqi küni körüshüsh waqtining peyshenbe künigiche téxi muqimlashmighanliqini bildürgen. (Erkin)