Kanada tashqi ishlar ministiri Peter Mackay xitay ziyariti jeryanida höseyin jélil mesilisini otturigha qoydi


2007-04-30
Share

Kanada tashqi ishlar ministiri Peter Mackay xitay ziyariti jeryanida höseyin jélil mesilisini otturigha qoyghan bolup, uning qeyt qilishiche, höseyin jélil xitay türmiside qiyin-qistaqqa we ten jazasigha uchrimighan iken.

30 - April béyjingda muxbirlarni kütiwélish yighinida kanada tashqi ishlar ministiri Peter Mackay munularni bildürdi "elwette jélil ependining mesilisini otturigha qoydum, bolupmu hazirgha qeder mezkur kanada puqrasi bilen körüshüsh telipimizning ret qilinishidin chongqur ümidsizlen'genlikimizni ipadilidim".

Peter MackayNing bildürüshiche yene, höseyin jélil mesilisi u yéngidin teyinlen'gen xitay tashqi ishlar ministiri yang jyéchi bilen ötküzgen 4 sa'etlik di'alogining bash témisi bolghan.

Peter Mackay Höseyin jélilning türme hayati üstide, xitay tashqi ishlar ministiri yang jyéchining sözliridin neqil keltürüp: höseyin jélilning türmide qiyin ‏- qistaqqa élinmighanliqini hemde uninggha xelq'ara kishilik hoquq ölchemlirige hörmet qilin'ghan asasta mu'amile qilin'ghanliqini eskertti. Xitay hökümiti höseyin jélilning kanada puqraliqini étirap qilmay "höseyin jélil mesilisi xitayning ichki ishi" dep ching turup, kanada terepning höseyin jélil bilen körüshüsh telipini izchil türde ret qilip kelgen bolghachqa bu mesile kanada-xitay arisidiki talash-tartishning merkizi bolup kelgen.

Peter Mackay Yene munularni bildürdi: "höseyin jélil bilen körüshüshke yol échish hökümitimiz üchün intayin muhim mesile. Biz buning üchün dawamliq izdinimiz".

Höseyin jélil 2005-yili kanada puqraliqigha qobul qilin'ghan bolup, 2006-yili özbékistan'gha tughqan yoqlashqa barghanda tutqun qilinip xitaygha ötküzüp bérilgen. Yéqinda xitay hökümiti höseyin jélilni "térrorluqqa qatnishish we döletni parchilashqa urunush" dégen jinayetler bilen eyiblep muddetsiz qamaq jazasi bergen idi. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet