Xitay, yawrupa ittipaqining qoral cheklimisini bikar qilishi üchün pa'aliyitini tizleshtürdi


2005.03.24

Xitay hökümiti, yawrupa ittipaqining xitaygha qaratqan qoral cheklimisini bikar qilishi üchün élip bériwatqan pa'aliyitini tizleshtürdi.

Amérika birleshme agéntliqining béyjingdin xewer qilishiche, xitay tashqi ishlar ministirliqining bayanatchisi lyu jenchaw béyjingda bergen bayanatida, xitay hökümiti yawrupa ittipaqining öz siyasiy parasiti we jasaritini körsitip, tizdin qoral imbargosini bikar qilishini ümid qilidu, dégen.

Yawrupa ittipaqi diplomatliri, xitaygha qaritilghan qoral imbargosining bikar qilinishi üchün pa'aliyet élip barmaqta idi. Lékin xewerlerge qarighanda, xitay xelq qurultiyi -14 mart küni döletni parchilashqa qarshi qanunni qobul qilghandin kéyin, bu mesilside ikkilinip qalghan.

En'giliye bash ministiri toni biliyer peyshenbe küni yawrupa ittipaqining qoral sodisining qa'idilirini belgileydighan küchlük bir prinsip bikitilmestin, xitaygha qaratqan qoral imbargosini bikar qilmaydu, dédi

Amérika hökümiti yawrupa ittipaqining xitaygha qaratqan qoral imbargosini bikar qilishigha qarshi chiqmaqta.

Yawrupa ittipaqi ,1989 - yili tyen'enmin meydanidiki oqughuchilar démokratik herikiti qanliq basturulghandin kéyin, xitaygha qarshi qoral imbargosini yolgha qoyghan idi . (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.