Amérika xitayning 6 shirkitige imbargo berdi


2005.12.28

Xitay tashqi ishlar ministirliqi charshenbe küni, amérika hökümitining xitayning 6 shirkitige iran'gha cheklen'gen téxnikilarni satqanliqi üchün imbargo qoyushini eyiblep, amérikining bu xitay shirketlirige qoyghan cheklimisini bikar qilishni telep qildi.

Amérika tashqi ishlar ministirliqining bayanatchisi adam ireli seyshenbe küni 9 chet'el shirkitige imbargo qoyghanliqini jakarlidi. Buning arisida 6 si xitay shirkiti, ikkisi hindistanning we biri awstraliyining shirkiti iken.

Adam ireli sözide, ishenchlik uchurlargha asasen, bu shirketlerning iran'gha keng kölemde yoqutush xaraktérlik qorallarni yasighili bolidighan eswap we téxnikilarni satqanliqi éniqlan'ghanliqini bildürdi. Emma bu ishenchlik uchurlar toghrisida tepsiliy toxtalmidi.

Amérika 2000‏- yili " iranning keng kölemde yoqutush xaraktérlik qorallirini cheklesh" qanun layihisini békitken idi. Bu qanun yolgha qoyulup 5 yildin buyan amérika ilgiri-axir bolup 40 nechche shirketke imbargo bergen. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.