Америка дөләт мәҗлиси әзалири өзбекистанға иқтисадий җаза беришни тәләп қилди


2006.05.10

Икки нәпәр америка дөләт мәҗлиси әзаси өзбекистан һөкүмитиниң кишилик һоқуқни дәпсәндә қилиш әһвалиниң еғирлишиватқанлиқи сәвәбидин, өзбекистанға иқтисадий җаза бериш тәклипини оттуриға қойди.

Бу тәклипни, аризона шитатиниң кеңәш палата әзаси җон макейн вә ню-җерсей шитатиниң авам палата әзаси крис смис оттуриға қойған болуп, улар тәклипидә асаслиқи өзбекистанниң һөкүмәт әмәлдарлири вә уларниң аилә-тавабатлириниң америкидики мал-мүлкини тоңлитишни тәләп қилған. Шундақла йәнә америка һөкүмитини өзбекистанға һечқандақ етибар бериш сияситини бәрмәсликкә үндигән.

Бу икки дөләт мәҗлиси әзаси йәнә , бу җазани бикар қилиш шәртлириниму көрситип, пәқәт өзбекистан президенти ислам кәримоф абройлуқ бир хәлқаралиқ тәшкилатниң мәхсус өзбекистанға берип, әндиҗан вәқәси үстидин тәкшүрүш елип беришиға йол қойғанда һәмдә бу тәшкилат тәкшүрүшни тамамлиғандин кейин, андин бу җазани бикар қилишқа болидиғанлиқини билдүрди.

Авам палата әзаси крис смис " өзбекистан һөкүмитиниң кишилик һоқуқ вә еғир тән җазаси бериш җәһәттики хатириси кишини чөчитиду" дәп көрсәтти. Шундақла улар йәнә әндиҗан вәқәсидин кейин, бу вәзийәтниң техиму еғирлашқанлиқини билдүрди. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.