Һиндистан баш министири манмахан синг хитай рәһбәрлири бейҗиңда учрашти


2008-01-14
Share

Дүшәнбә күни, хитай вә һиндистан рәһбәрлири бейҗиңда учришип иккинчи қетимлиқ бирләшмә һәрбий маневир өткүзуш вә икки тәрәп арисидики сода мунасивәтлирини техиму илгири сүрүш тоғрисида сөһбәт өткүзди.

Һиндистан баш министири манмахан синг хитайда үч күнлүк зияритини давамлаштуруватқан болуп, у бәш йилидин буян хитайда зиярәттә болған тунҗи һиндистан баш министири.

Бирләшмә агентлиқида көрситилишичә, манмахан синг хитай баш министири вен җябав билән учрашқанда һиндистанниң хитай билән өз-ара мунасивәтләрни илгири сүрүшкә әң муһим ишлар сүпитидә муамилә қиливатқанлиқини билдүрүп: "биз хитай билән пайдилиқ вә һәмкарлиқ характеридики мунасивәтни шәкилләндүрүшкә алаһидә етибар бериватимиз" дегән.

У йәнә, хитай билән һиндистан алий дәриҗилик рәһбәрлири арисида елип берилған һәр хил түрләрдики сөһбәтләрниң бу икки дөләт арисидики дипломатик мунасивәтләрни илгири сүрүшкә интайин зор төһпә қошқанлиқини алаһидә тилға алған.

Бу икки дөләт баш министирлири, хитай хәлқ сарийида учришип болғандин кийин хитай- һиндистан арисидики узун йиллиқ чегра мәсилисидики соғуқчилиқини юмшитиш вә мәзкур икки дөләт арисидики сода мунасивәтлирини өз ичигә алған башқа мунасивәтләрни илгири сүрүшкә аит һәр хил келишләргә имза қойған.

Мәлум болушичә, бу нөвәт имзаланған сода келишмидә икки тәрәп арисида елип берилидиған сода омумий соммисини 2010 - йилға қәдәр илгирики 40 милярд доллардин 60 милярд долларға йәткүзуш бекитилгән.

1962- Йили хитай һиндистан арисида йүз бәргән чегра урушидин буян хитай-һиндистан мунасивәтлири изчил яман болуп кәлгән болуп шундин етибарән хитай вә һиндистан рәһбәрлири 11 қетим сөһбәт елип барған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт