Xitay hökümiti kishilik hoquqni közitish teshkilatining doklatini ret qildi

• 
  2006-01-19

Xitay hökümiti xelq'ara kishilik hoquqni közitish teshkilatining xitayning kishilik hoquq weziyiti toghrisida élan qilghan yilliq doklatini ret qildi.

Xelq'ara kishilik hoquqni közitish teshkilati,18‏- yanwar küni 2006‏- yilliq kishilik hoquq doklatini élan qilip, xitay hökümiti bolupmu Uyghur we tibet qatarliq azsanliq milletlerning kishilik hoquqini qattiq depsende qiliwatidu dep körsetken idi.

Doklatta, xitay hökümitining Uyghurlargha qaratqan siyasiti alahide tilgha élin'ghan bolup, xitay hökümitining Uyghurlarning milliy kimlikini we Uyghurlarning milliy medeniyiti bilen zich munasiwetlik bolghan diniy medeniyitini yoq qilishni meqset qilghanliqi tekitlen'gen.

Xitay tashqi ishlar minstirliqining bayanatchisi, kung chüen béyjingda muxbirlargha bergen bayanatida, kishilik hoquqni közitish teshkilati doklatining xata melumatlargha tayan'ghanliqini bildürüp, xitay asasiy qanuni diniy erkinlik we kishilik hoquqni qoghdaydu, dédi. (Qanat)