Хитай бу йилму интернәткә дүшмән дөләтләр қатаридин орун алди

2007-05-04
Елхәт
Пикир
Share
Принт

Мухбирлар һоқуқини қоғдайдиған бир хәлқара тәшкилат җүмә күни дунядики интернәткә дөшмән, дәп қаралған асаслиқ дөләтләр тизимлики елан қилип, хитайни интернәткә дүшмән, дәп қаралған 13 дөләт ичидә 4 - орундики дөләт, дәп җакалиди. Сәуди әрәбистан, интернәтни әң қаттиқ контрол қилидиған дөләт, дәп қаралғанлиқи үчүн 1 - орунға тизилған. Блуросийә билән берма һөкүмәтни тәнқид қилидиған тор бәтлирини чәкләш җәһәттә әң қаттиқ дөләтләр, дәп қарилип, 2 - вә 3 - орунға тизилди.

Мәркизи франсийә пайтәхти париждики чигрисиз мухбирлар тәшкилати, хитайни интернәткә дүшмән дөләтләр қатарида 4 - орунға тизған болсиму, лекин хитайниң интернәт алақисини чәкләш техникиси җәһәттә 1- орунда туридиғанлиқини билдүрди.

Чигрисиз мухбирлар тәшкилатиниң әскәртишичә, хитай даирилири тор бетидики аталмиш "әксилинқилаби" характирлик һәр қандақ сөзлүкни чәклимәктә. Буниңдин сирт хитайниң интернәттә пикир баян қилғанлиқи үчүн 52 кишини түрмигә ташлиғанлиқини язди.

Интернәтни сақчилар назарәт қиливатқанлиқини, тор понкитлири даим өз өзини тәкшүрәп туруш қатарлиқ усуллар арқилиқ пуқраларниң сәзгүр мәсилиләрдә пикир баян қилиши чәклиниватқанлиқини әйиплиди. Чигрисиз мухбирлар тәшкилатиниң тизимликидики 13 дөләт ичидә юқуриқи дөләтләрдин башқа йәнә иран, мисир, шималий корийә, куба қатарлиқ дөләтләр орун алған. (Әркин)

Пикирләр (0)
Share
Толуқ бәт