Muxbirlar hoquqini qoghdaydighan bir xelq'ara teshkilat jüme küni dunyadiki intérnetke döshmen, dep qaralghan asasliq döletler tizimliki élan qilip, xitayni intérnetke düshmen, dep qaralghan 13 dölet ichide 4 - orundiki dölet, dep jakalidi. Se'udi erebistan, intérnetni eng qattiq kontrol qilidighan dölet, dep qaralghanliqi üchün 1 - orun'gha tizilghan. Blurosiye bilen bérma hökümetni tenqid qilidighan tor betlirini cheklesh jehette eng qattiq döletler, dep qarilip, 2 - we 3 - orun'gha tizildi.
Merkizi fransiye paytexti parizhdiki chigrisiz muxbirlar teshkilati, xitayni intérnetke düshmen döletler qatarida 4 - orun'gha tizghan bolsimu, lékin xitayning intérnet alaqisini cheklesh téxnikisi jehette 1- orunda turidighanliqini bildürdi.
Chigrisiz muxbirlar teshkilatining eskertishiche, xitay da'iriliri tor bétidiki atalmish "eksil'inqilabi" xaraktirlik her qandaq sözlükni cheklimekte. Buningdin sirt xitayning intérnette pikir bayan qilghanliqi üchün 52 kishini türmige tashlighanliqini yazdi.
Intérnetni saqchilar nazaret qiliwatqanliqini, tor ponkitliri da'im öz özini tekshürep turush qatarliq usullar arqiliq puqralarning sezgür mesililerde pikir bayan qilishi chekliniwatqanliqini eyiplidi. Chigrisiz muxbirlar teshkilatining tizimlikidiki 13 dölet ichide yuquriqi döletlerdin bashqa yene iran, misir, shimaliy koriye, kuba qatarliq döletler orun alghan. (Erkin)
