Iraq saylam harpisida bixeterlik tedbirlirini kücheytti


2005.01.28

Iraqta yekshenbe küni élip bérilidighan memliketlik saylamning yétip kélishige egiship, iraq waqitliq hökümiti we iraqtiki ittipaqdash küchler memliket boyiche bixeterlik tedbirlirini kücheytti.

Baghdat da'iriliri quruqluqtiki chégra éghizliri shundaqla xelq'ara aydurumlarni taqap, ölkiler ara bérip -kélishni chekligen. Iraqtiki chong sheherlerning köp qismida jiddi halet élan qilin'ghan. Iraqtiki amérika herbiy da'irilirining bildürüshiche, topilangchilar keng kölemdiki partlash weqelirini peyda qilip, puqralarning saylam küni bilet tashlishini tosashqa urunushi mumkin. Jüme küni baghdatning jenubida partlash weqesi yüz bérip, 4 adem ölgen.

Bu arida chet'ellerdiki iraqliq muhajirlar bilet tashlashqa bashlidi. Xewerlerge qarighanda amérika, en'giliye qatarliq 14 dölettiki 280 ming iraqliq muhajir bilet tashlash üchün tizimgha aldurghan. Yuqiriqi döletlerde bilet tashlash ponkitliri qurulghan bolup, biraq nazaretchiler, chet'eldiki bir milyon iraqliqning aran 4 den biri bilet tashlash üchün tizimgha aldurghanliqini bildürmekte.

Xewerlerge qarighanda nurghunlighan iraqliq muhajirlar özlirining yaki iraqtiki uruq - tuqqanliri topilangchilarning öch élish nishani bolup qélishidin ensirep, bilet tashlash üchün tizimgha aldurmighan. Iraqtiki saylamni 120 dek xelq'ara közetküchi nazaret qilidu. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.