Amérika we rusiye iranning yadro pilanini eslige keltürgenlikige epsuslandi

• 
  2006-01-11

Amérika bilen rusiye her ikkila dölet iranning yadro tetqiqat programmisini eslige keltürgenlikige epsuslan'ghanliqini ipadilidi.

Buningdin ilgiri amérika we yawropa ittipaqi eger iran bu programmini eslige keltürse birleshken döletler teshkilati bixeterlik kéngishide iran'gha qarita jaza qollinidighanliqinimu agahlandurghan. Emma iran hökümiti seyshenbe küni xelq'aradiki küchlük qarshiliqqa qarimastin 2 yildin buyan tonglitip qoyghan yadro pilanini eslige keltürdi.

Amérika birleshme agéntliqining xewer qilishiche, amérika aq saray bayanatchisi skot maklilan " eger iran xelq'ara shertnamilerge ri'aye qilmisa, u chaghda bizning bu ehwalni b d t bixeterlik kéngishide hel qilmay bashqa amalimiz yoq" dédi.

Rusiye da'irilirimu amérika bilen bir terepte turdi hemde rusiye tashqi ishla r minisitiri sérgéy lawrow amérika tashqi ishlar ministiri kondoliza rays bilen bu heqte téléfon söhbiti ötküzgendin kééyin, charshenbe küni iran weziyiti heqqide mexsus bayanat élan qilip, iranning bu herikitidin epsuslan'ghanliqini bildürdi.

Shundaqla yawropadiki en'gliye, fransiye we gérmaniye rehberliri mushu hepte iran mesiliside mexsus söhbet ötküzüshni pilanlidi. Ular söhbette asasliqi iranning bu mesilisini b d t bixeterlik kéngishige sunush-sunmasliq mesiliside muzakirilishidu. (Peride)