Iran gherb döletlirini iran'gha hujm qilmasliq toghrisida agahlandurdi

Iran qoralliq qisimlirining bash qomandani atawulla salihi, amérika we gherb döletlirini irannning yadro tetqiqat merkezlirige qarita hujum élip barmasliq toghrisida agahlandurup, eger bundaq bir hujum yüz berse, "iran buninggha qarita ularni heyran qaldurudighan herbiy jawab qayturidu" dégen.

Iran qoralliq qisimlirining bash qomandani shenbe küni iran gézitlirida élan qilin'ghan bayanati, b d t iran'gha qarita iqtisadiy jaza yolgha qoyush toghrisida yéngi bir qanun layihisini körüshüshke teyyarliniwatqan bir peytte, iran rehberlirining bu tedbirlerge pisent qilmighanliqini körsitidiken.

Iran yadro mesiliside eng qattiq pozitsiyiside turuwatqan amérika hökümiti, gerche bu mesilining söhbet yoli bilen bir terep bolushini xalaydighanliqini tekitlep kéliwatqan bolsimu, emma hazirghiche bu mesilini hel qilish üchün herbiy küch ishltishni ret qilmighan.

Iran qoralliq qisimlirining bash qomandani salihi bayanatida, iran armiyisining 1980‏- 1998 yilighiche dawamlashqan iran-iraq urushi megildikidin küchlük ikenlikini tekitlep, "eger bizge popoza qiliwatqan düshmenlirimiz exmiqane bir heriket qilsa, biz buninggha ularni heyran qaldurudighan jawab qayturumiz" dégen

Herbiy mutexessislerning bildürüshiche, gerche herbiy küch toghrisida iranni amérika bilen sélishturush mumkin bolmisimu, emma iran dunya bazarlirigha éksport qilinidighan néfitning beshte ikki qisimi ötidighan pars qoltughi we hörmüz boghuzida, nurghun qiyinchilliqlar chiqirishi mumkin, déyishmekte. (Qanat)