Bush iranning en'giliye tutqunlirini qoyup bérishni telep qildi

Amérika prézidénti jorji bush shenbe küni iran hökümitining 15 neper en'giliye déngiz armiye xadimini derhal we shertsiz halda qoyup bérishini telep qildi.

Amérika metbu'atlirining uchurliridin qarighanda, prézidént bush bu sözni shenbe küni braziliye prézidénti bilen uchrashqanda ötküzgen muxbirlarni kütüwélish yighinida éytqan.

Prézidént bush sözide en'giliye bash ministiri toniy blayérning mezkur tutqunlarni qayturiwélisn heriketlirini qollaydighanliqini eskertken. Bir hepte ilgiri mezkur en'giliye eskerliri iranning su tewelikige kirgenliki üchün iran tereptin tutqun qilin'ghan. Biraq, en'giliye ularning iranning su tewesige kirmigenlikini bildürüp, ularni qoyup bérishni telep qilghan hemde irandin epu sorashni ret qilghan. Yekshenbe küni texminen 200 din artuq iranliq oqughuchi en'giliyining téhrandiki elchixanisi aldida naraziliq namayishi ötküzüp, en'giliyini eyibligen, namayish zorawanliq tüsi alghan bolup, elchixanigha tashlar étilghan.

Uning aldida iran hökümiti iranning iraqtiki besre shehiridiki konsulxanisi etrapida en'giliye qoshunlirining oq chiqarghanliqi sewebidin london da'irilirini eyibligen idi.(Ümidwar)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar