Путин америкиниң иранға һәр қандақ бир һәрбий һәрикәт қоллинишни қоллимайдиғанлиқини билдүрди


2007.10.17
Share on WhatsApp
Share on WhatsApp

Һазир иран пайтәхти теһранда дөләт зиярити елип бериватқан русийә президенти путин иран зиярити җәрянида америка тәрәпни агаһландуруп, америкиниң иранға һәр қандақ бир һәрбий һәрикәт қоллинишни қоллимайдиғанлиқини билдүргән һәмдә башқа каспий район әллириниңму америкиниң шу хил һәрикитини қарши алмайдиғанлиқини тәкитлигән.

У йәнә , москва вә теһранниң ғәрб әллириниң каспий деңизидин нефит вә тәбиий газ йөткәйдиған туруба линийиси пиланини рәт қилидиғанлиқини оттуриға қойған.

Путин алдинқи күни каспий деңиздики бәш дөләт рәһбәрлириниң учришиши үчүн теһранға йетип кәлгән иди.

Бирләшмә агентлиқида бу һәқтә берилгән хәвәрдә көрситишичә, униң теһранға келишидики йошурун мәқсити болса америкиниң мәзкур районда күнсайин күчийиватқан һәрбий мәвҗутлуқини тосуш үчүн икән.

Бирләшмә агентлиқида путинниң ейтқанлиридин нәқил елип хәвәр қилинишичә, путин йәнә башқа чәтәл күчлириниң, болупму америкиниң мәзкур районға қарита һәрбий һәрикәт қоллинишиға қарита күчлүк қарши туридиғанлиқини ипадиләп:" биз һәр қандақ бир каспий деңиз дөлити башқа чәтәл күчлириниң башқа бир каспий райони әллиригә қарита һәрбий һәрикәт елип беришиға өз территорийисидин орун бәрмәйду дейәләймиз" дегән.

Иран президенти әхмиди ниҗат путин вә башқа каспий район әллиридин кәлгән рәһбәрләрни қарши алидиғанлиқини билдүргән вә путинниң пикригә охшаш мәйданини ипадилигән.

Мәлум болушичә, виладимер путин 1943- йилидин буян иранни тунҗи зиярәт қилған русийә рәһбири икән. (Җүмә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт