Putin amérikining iran'gha her qandaq bir herbiy heriket qollinishni qollimaydighanliqini bildürdi


2007.10.17
Share on WhatsApp
Share on WhatsApp

Hazir iran paytexti téhranda dölet ziyariti élip bériwatqan rusiye prézidénti putin iran ziyariti jeryanida amérika terepni agahlandurup, amérikining iran'gha her qandaq bir herbiy heriket qollinishni qollimaydighanliqini bildürgen hemde bashqa kaspiy rayon elliriningmu amérikining shu xil herikitini qarshi almaydighanliqini tekitligen.

U yene , moskwa we téhranning gherb ellirining kaspiy déngizidin néfit we tebi'iy gaz yötkeydighan turuba liniyisi pilanini ret qilidighanliqini otturigha qoyghan.

Putin aldinqi küni kaspiy déngizdiki besh dölet rehberlirining uchrishishi üchün téhran'gha yétip kelgen idi.

Birleshme agéntliqida bu heqte bérilgen xewerde körsitishiche, uning téhran'gha kélishidiki yoshurun meqsiti bolsa amérikining mezkur rayonda künsayin küchiyiwatqan herbiy mewjutluqini tosush üchün iken.

Birleshme agéntliqida putinning éytqanliridin neqil élip xewer qilinishiche, putin yene bashqa chet'el küchlirining, bolupmu amérikining mezkur rayon'gha qarita herbiy heriket qollinishigha qarita küchlük qarshi turidighanliqini ipadilep:" biz her qandaq bir kaspiy déngiz döliti bashqa chet'el küchlirining bashqa bir kaspiy rayoni ellirige qarita herbiy heriket élip bérishigha öz térritoriyisidin orun bermeydu déyeleymiz" dégen.

Iran prézidénti exmidi nijat putin we bashqa kaspiy rayon elliridin kelgen rehberlerni qarshi alidighanliqini bildürgen we putinning pikrige oxshash meydanini ipadiligen.

Melum bolushiche, wiladimér putin 1943- yilidin buyan iranni tunji ziyaret qilghan rusiye rehbiri iken. (Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.