" Iran yéngidin yoshurun herbiy yadru merkizi yasawatidu "


2007.09.27
Share on WhatsApp
Share on WhatsApp

Oran tawlash pa'aliyitini toxtitish toghrisida, xelq'ara jama'etning iran'gha qaratqan bésimi küchiyiwatqan bir peytte, irandiki hakimiyetke qarshi küresh qiliwatqan teshkilatlarning béri bolghan iran milliy qarshiliq körsitish kéngishi, peyshenbe küni iranning yéngi bir yoshurun herbiy yadru merkizi yasawatqanliqini ilgiri sürdi.

Iran milliy qarshiliq körsitish kéngishi teripidin franiyisining paytexti parizh shehiride élan qilin'ghan bayanatta, yéngi yoshurun yer asti yadro merkizining iranning natans oran tawlash merkizining jenubiy rayonigha jaylashqan siya ko dep atalghan tagh tézimisining asitida yasiliwatqanliqi bildürülgen. Bayanatta éytilishiche iran hökümiti 2006‏- yilining axirlirida mezkur yoshurun yadro merkizini yasashqa bashlighan bolup, 6 ay ichide pütüshi mumkin iken. Bayanatta shundaqla bu mesile heqqidiki pütün uchurlarning xelq'ara atom énérgiyisi idarisigha ewetilgenliki tekitlen'gen.

Lékin, amérika birleshme agéntliqining xewer qilishiche, xelq'ara atom énérgiyisi idarisi xadimliri, iran milliy qarshiliq körsitish kéngishining bayanati toghrisidiki su'allargha jawab qayturushtin özini qachurghan.

Xewerlerge qarighanda, gerche iran milliy qarshiliq körsitish kéngishi yuqirida tilgha élin'ghan yoshurun yadro merkizi heqqide tepsilatliq we pakitliq uchurlarni otturigha qoymighan bolsimu, emma besh yil burun mushu teshkilatning natans yadro merkizinimu öz ichige alghan irandiki yoshurun ikki yadro merkizi heqqide tarqatqan uchurliri, iranning 20 yildin béri yoshurun élip barghan yadro pa'aliyitining ashkarilinishigha seweb bolghan idi. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.