Iraq weziyitidiki yéngiliqlar
2004.08.12
Amérika we iraq hökümitining armiyisi peyshenbe küni najéftiki shi'e mezhipi musulman qoralliq küchlirige shiddetlik hujum bashlap, bir heptidin boyan bu yerde dawamliship kéliwatqan qoralliq toqunushqa xatime bermekchi boldi.
Najéf iraq shi'e musulmanlirining muqeddes jayi. Shi'e radikal küchlirining rehbiri muqtada el sadirning qollighuchiliri hezriti imam'eli meschitini igilep, amérika qoshunlirigha qarshiliq körsetmekte idi. Amérika armiyisi tanka we tik ucharlarning himayisida peyshenbe küni najéf shehirining merkizidiki hezriti imam'elining qebrisini qorshawgha alghan. Amérika armiyisi yene najéfning sherqighimu hojum bashlighan bolup, en'gliye b b s radi'o- téléwiziyisining xewer qilishiche, hujumda az dégende 72 adem öltürülgen.
Shuning bilen bir waqitta, amérika armiyisi yene awaz yangratquchlarni ishlitip, najéftiki ahalilarni muqtada el sadirning qoralliq küchlirini sheherdin heydep chiqirishqa dewet qilghan. Xewerge qarighanda, imam'eli meschitining etrapida arqa- arqidin shiddetlik partlash yüz bergen. Teshwishlen'gen sheher ahaliliri bolsa sheher merkizidin qéchishqa bashlighan.
Najéftiki hojumning xewiri tarqalghandin kéyin, erep birleshmisining sékrétari bayanat élan qilip, amérikidin najéftiki herbi heriketni derhal toxtutushni telep qilghan. Iran, misir we liwiyimu najéftiki herbiy heriketni eyibligen. (Arzu)