Iraqta qaza tapqan amérika eskerliri mingdin ashti
2004.09.08
Amérika dölet mudapi'e ministirliki, iraq urushi bashlinip hazirghiche iraqta qaza tapqan amérika eskirining sani mingdin ashqanliqini bildürdi.
Buningdin sirt, 18 ay ichide 7 mingdin köp amérika eskiri yarilan'ghan. Bolupmu iraq eskerlirige hujum qilish heriketliri mushu bir hepte ichide bir qeder köp yüz bergen bolup, düshenbe we seyshenbe künidiki toqunushtila 34 neper amérika eskiri qaza tépip, 170 nechchisi yarilan'ghan.
Aq saray, iraqta qaza tapqan amérika eskerlirige matem bildürüsh bilen birge, bu qaza tapquchilarni xatirleydighan eng yaxshi usulning, térrorluqqa qarshi urushni dawamliq élip bérip, téximu bixeter dunya berpa qilish ikenlikini bildürdi.
Qaza tapqan amérika eskerliri sanining minggha yétishi, nöwettiki prézdént jorj W bushning iraqqa hujum qilishi toghrisida amérikida yene bir meydan bes-munazire peyda qildi.
Bu arida amérika armiyisi charshenbe küni iraqning faluja shehirige hawadin dawamliq hujum qildi. Amérika herbiy da'irilirining bildürishiche, buningdin bir kün awalqi hujumda, amérika eskerliri bu yerde yüzdin oshuq topilangchilarni étip öltürgen. (Peride)