ئىراق دائىرىلىرى يەكشەنبە كۈنىدىكى پارتلاشلار سەۋەبىدىن 50 كىشىنى قولغا ئالدى


2004.12.20
Share on WhatsApp
Share on WhatsApp

ئىراق بىخەتەرلىك خادىملىرى، يەكشەنبە كۈنى شىيە مۇسۇلمانلىرى ئولتۇراقلاشقان ناجېف ۋە كەربالا شەھىرىدە يۈز بەرگەن ئۆزىنى ئۆلتۈرىۋېلىش خاراكتېرلىك پارتلىتىش ۋەقەلىرى بىلەن مۇناسىۋەتلىك دەپ قارالغان 50 نەپەر گۇمانلىق كىشىنى قولغا ئالغانلىقىنى بىلدۈردى.

ئىراقتىكى شىيە مۇسۇلمانلىرىنىڭ مۇقەددەس جايى ھىسابلانغان ناجېف ۋە كەربالا شەھىرى يەكشەنبە كۈنى ئارقا- ئارقىدىن ئۆزىنى ئۆلتۈرىۋېلىش خاراكتېرلىك ھوجۇمغا ئۇچرىغان. ۋەقەلەردە ئۆلگەنلەرنىڭ سانى ئىشىپ، نۆۋەتتە 66 گە يەتتى. بۇلارنىڭ ئىچىدە 52 ئادەم ناجېف شەھىرىدىكى پارتلاشتا، 14 ئادەم كەربالا شەھىرىدىكى پارتلاشتا ئۆلگەن.

ئىراق دائىرىلىرى پارتلاشلارنىڭ سۈننى مەزھىپىدىكى رادىكال ئۇنسۇرلارنىڭ كىلەر يىلى 1 - ئايدا ئۆتكۈزۈلىدىغان ئومۇمىي سايلامغا بۇزغۇنچىلىق قىلىش ھەرىكەتلىرى ئىكەنلىكىنى بىلدۈرمەكتە.

ئىراقتىكى شىيە مۇسۇلمانلىرىنىڭ رەھبىرى دۈشەنبە كۈنى مۇرىتلىرىنى ئۆزىنى تۇتىۋېلىشقا چاقىرىپ، ئومومىي سايلامنىڭ ھارپىسىدا ۋەزىيەتنى جىددىلەشتۈرمەسلىكنى تەلەپ قىلدى، شۇنداقلا شىيە مۇسۇلمانلىرىنى پۈتۈن كۈچىنى سايلامغا مەركەزلەشتۈرۈشكە چاقىردى. (ئارزۇ)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت