Baghdattiki partlashta az dégende 29 kishi qaza qildi


2004.12.29
Share on WhatsApp
Share on WhatsApp

Charshenbe küni iraq paytexti baghdatning gherbidiki a'ililikler rayonida chong partlash yüz bérip, az dégende 29 kishi qaza qilghan we 20 nechchisi yarilan'ghan. Bularning arisida 7 si iraq saqchisi iken.

Amérika birleshme axbarat agéntliqining melum qilishiche, saqchilar weqe yüz bérishning aldida, bu jaygha qoralliq unsurlarning yoshurun'ghanliqi toghrisida uchurgha ige bolghan. Shundaqla saqchilar bu yerge axturushqa yétip kelginide bu jayda küchlük partlash yüz bergen. Saqchi da'iriliri buning aldin'ala orunlashturulghan bir qiltaq ikenlikini ilgiri sürmekte.

Xewerde melum bolushiche, partlash nahayiti küchlük bolghan bolup, etraptiki nechche a'ililikning öylirimu teng örülüp chüshken hemde bezi kishiler örülgen tamlar arisida kömülüp qalghan.

Iraqtiki qoralliq pida'iylar seyshenbe künimu baghdatning shimaligha hujum qilip 23 neper iraq saqchisi we xelq eskerlirining ölüshini keltürüp chiqarghan idi. Iraqtiki amérika armiyisining bir neper emeldari, 1 -ayning 30 - künidiki iraq chong saylimidin burun, qoralliq unsurlarning dawamliq türde téximu köp qalaymiqanchiliqlarni peyda qilishqa urinidighanliqini tekitlidi.(Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.