Iraqtiki omumiy saylam harpisida, térrorluq hujumlar ewj almaqta


2005-01-24
Share

30 - Yanwar küni ötküzülidighan iraqtiki omumiy saylamning yéqinlishishi bilen, qarshilashquchi küchlerning hujumliri ewj aldi.

Roytirs agéntliqining xewirige qarighanda, bir neper qoralliq kishi düshenbe küni iraq waqitliq hökümitining bashliqi iyad alawiyning ishxanisi etrapidiki bir tekshürüsh ponkitida özini öltüriwélish xaraktérlik partlash weqesi sadir qilip, neq meydanda 10 kishini yarilandurghan. Yarilan'ghanlarning köpinchisi saqchilar iken. Iraq hökümet da'irilirining bildürishiche, weqe yüz bergende iyad alawiyi ishxanida emes iken.

Xewerge qarighanda, iraqtiki qarshilashquchi küchlerning rehbiri el zerqawiy bashchiliqidiki teshkilat, weqening özliri teripidin élip bérilghanliqini bildürgen.

Shuning bilen bir waqitta, iraq hökümiti el zerqawiyning yuqiri derijilik yardemchisi abu ömer el kurdini qolgha alghanliqini élan qildi hemde uning iraqtiki 32 qétimliq partlitish weqesige mes'ol ikenlikini körsetti. Buning aldida, el - zerqawiy ün'alghu léntisi arqiliq bayanat élan qilip, iraqta pat arida ötküzülmekchi bolghan omomiy saylamgha qet'iy tosqunluq qilidighanliqini bildürgen.

Amérikining iraqta turushluq bash elchisi nöwette iraqta éghir bixeterlik mesililirining mewjütlikini itirap qildi. Emma u yene, her bir iraqliqning bilet tashliyalishigha kapaletlik qilish üchün, alaqidar tereplerning eng chong tirishchanliqini körsitidighanliqini bildürdi. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet