Her qaysi dölet rehberliri iraq saylimini tebriklidi


2005-01-31
Share

Dunyadiki her qaysi dölet rehberliri düshenbe küni iraq saylimini maxtap, bu qétimliq saylamning, démokratiye, erkinlik we iraq xelqining ghelibisi ikenlikini bildürdi.

Amérika prézidénti jorj w bush, yekshenbe künidiki saylamning zor ghelibe qazan'ghanliqini we iraq xelqining axiri qanunluq halda öz dölitining teqdirini belgileshke muyesser bolghanliqini bildürdi.

Amérika bashchilighidiki iraq urushini yéqindin qollap kelgen, en'gliye bash ministiri toni blér hetta bu künni " ghelibe küni" dep süpetlidi. Birleshken döletler teshkilatining bash katiwi kofi annan pütün dunyaning, iraq xelqini heqiqiy türde özlirining kelgüsige özliri ige bolushqa téximu righbetlendürishi kéreklikini bildürdi.

Amérikining iraq urushigha qarshi turup kelgen asasliq döletler qatarida rusiye prézidénti wiladimir putin bilen fransiye prézidénti jek shirak bu qétimliq iraq saylimini " toghra yolgha qarap bésilghan muhim bir qedem " dep körsetti.

Rusiye bilen fransiye qatarida iraq urushigha qarshi turghan gérmaniyining tashqi ishlar ministiri joshika fishérmu " iraq xelqining, dölet ichidiki türlük tehditlerge qarimastin, öz dölitining tinch we dimokratik kelgüsini berpa qilish yolida körsetken iradisi hemme étirap qilishqa erziydighan yüksek bir ish" dep bildürdi.

Shuning bilen bille xitay hökümitimu, bu saylamning urush azaplirini tartqan iraq xelqighe muqimliq élip kélishini ümid qilidighanliqini körsetti.(Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet