Iraq asasi qanunini maqullash süriki yene üch kün uzartildi

Iraq asasi qanunini tüzüsh mejlisidiki her qaysi terepler, düshenbe küni asasi qanun tüzüsh sürikini yene kün uzartish toghrisida kélishim hasil qildi. Bu asas qanun tüzüsh mudditining 2 - qétim uzartilishi bolup hésablinidu. Shu küni asasi qanun mejlisidiki ezalargha iraq asasi qanunining lahiyisi tarqitip bérilgen, emma mejlis asasi qanun lahiyisini awazgha qoymidi.

Sün'iyler asasi qanun lahiyisidiki bezi maddilarni qobul qilmighan. Bu maddilar fédératsiye tüzümini ornitish, fédératsiye rayonlirini qandaq ayrish, parlamént we bash ministirning hoquq da'irisini qandaq békitish qatarliq mesililerge chétilghan.

Xewerlerge qarighanda shi'eler bilen kürdler asasi qanun lahiyisige qoshulghan. Bu ikki guruh asasi qanun mejliside köp sanliqlarni igileydu.

Közetküchilerning tekitlishiche, shi'eler bilen kürdlerning mejlistiki sani asasi qanun lahiyisini testiqlashqa yetsimu, biraq bundaq qilish siyasi krizisni chongqurlashturup, sün'iylerning mewjut tüzümdin téximu yiraqlishishini keltürüp chiqiriken. Hazir iraqtiki qoralliq hujumlarni sün'iy küchler élip barmaqta. (Erkin)