Iraqta yüz bergen qarshiliq körsitish heriketliride 40 tin artuq adem hayatidin ayrildi

Iraq da'irilirining bildürüshiche, düshenbe küni iraqning herqaysi jaylirida yüz bergen partlashlarda az dégende 45 adem qaza qilghan we 100din artuq adem yarilan'ghan.

Saqchilarning bildürüshiche, iraqning gherbidiki ramadi shehiride bir résturan'gha bösüp kirgen mashina partlap, 19 adem hayatidin ayrilghan, shimaldiki musul shehiride kurtlar partiyisining xizmet ishxanisida yüz bergen özini öltürwilish xaraktérlik partlashta bolsa 10 adem ölgen.

Qarshiliq körsitish heriketliride, baqubadiki bir saqchi idarisi hujumgha uchrap, 10 adem qaza qilghan. Oxshashla baghdattiki bir rayonda yüz bergen özini öltürüwilish xaraktérlik hujumda 7 kishi , iran elchixanisi etrapida partlighan bombida 2 kishi hayatidin ayrilghan.

Buningdin sirt , bir en'giliyilik esker hemde bir amérika eskiri hujumgha uchrap qaza qildi.

Iraqta partlash we adem ölüsh weqeliri üzlüksiz yüz bérip turghan bolsimu, emma düshenbe küni birla waqitta yüz bergen hujumlarning 40 tin artuq ademning ölümige yol échishi, iraq hökümitini qattiq endishige saldi. (Eqide)