Iraq we afghanistanlarda yüz bériwatqan toqunushlar dawamlashmaqta

Iraqning paytexti baghdatning merkizidiki shiye musulmanliri meschitige yéqin jayda yüz bergen partlashta, 78 adem qaza qilghan. 190 Adem yarilan'ghan.

Iraq da'irilirining bildürüshiche, partlash yüz bergen jay adem köp toplishidighan soda rayoni bolghanliqi üchün qaza qilghanlar we yarilan'ghanlar sani köp bolghan. Partlashta yalghuz meschitla éghir ziyan'gha uchrap qalmay, etraptiki qurulushlarghimu éghir tesir yetken hemde yolda toxtitip qoyulghan 13 aptomobilgha ot ketken.

Yéqindin buyan shye meschitliri öch élish xaraktérlik hujumlargha duch kelmekte. Gerche iraqta turushluq amérika armiyisi bilen iraq hökümiti baghdatta yéngi bixeterlik pilanini yolgha qoyuwatqinigha 4 aydin köprek bolghan bolsimu, biraq iraqning bixeterlik weziyiti yenila intayin nachar bolup, zorawanliq hujumliri toxtimastin yüz bermekte.

Buningdin bashqa iraqning jenubidiki nasiriye shehiride iraq saqchiliri bilen shiye mezhipidiki musulmanlar otturisida yüz bergen ikki künlük toqunushta az dégende 35 adem ölgen.

Bu arida afghanistanning jenubida xelq bilen talibanlar otturisida yüz bergen toqunushta 60 kishi hayatidin ayrilghan, toqunush jeryanida 50 taliban militani öltürülgen. (Eqide)