Iraqta yüz bergen partlashta 40 adem ölgen

Iraqta yüz bergen özini öltürüwélish we aptomobil partlitish hadisiliride az dégende 40 adem hayatidin ayrilghan. Fransiye agéntliqining peyshenbe küni bergen xewiridin qarighanda, iraqning shimalidiki mosul shehiride hökümet binasi yénida yüz bergen aptomobil partlitish hujumida 18 adem qaza qilghan, az dégende 62 adem yarilan'ghan.
Muxbirimiz eqide xewiri
2008-06-26
Share

 Buningdin sirt, qarshiliq körsetküchiler niniwéx ölke bashliqini öltürüsh üchün sheher merkizidiki soda saraygha qaritip rakéta qoyup bergen, arqidin yene aptomobil partlatqan.

Iraq saqchiliri, qest qilin'ghan ölke bashliqining yarilanmighanliqini bildürüsh bilen birge, peyshenbe küni gherbtiki enbar ölkiside özini öltürüwélish xaraktérlik hujumda 20 ademning hayatidin ayrilip, 12 ademning yarilan'ghanliqini ikki neper dölet xadimining ölgenlikini ilgiri sürgen.

Bir qanche kündin kéyin, amérika armiyisi, enbar ölkisining bixeterlikini qoghdash xizmitige a'it mes'uliyetni iraq terepke ötküzüp béridu. Bu qétim yüz bergen hujumlarning elqa'ide teshkilati bilen munasiwetlik ikenliki ilgiri sürülmekte.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet