Amérika xitayni eng chong ishpiyonluq tehditi dep qaraydu


2007.03.07
Share on WhatsApp
Share on WhatsApp

Fransiye agéntliqining 6- mart xewirige qarighanda, amérika merkizi axbarat idarisidiki bir yuqiri derijilik emeldarning bildürüshiche, xitayning jasusluq organliri amérikining yuqiri téxnika yéngiliqlirini oghrilashni nishan qilghan ishpiyonluq organliri ichide eng aktip iken.

Amérika döletlik jasusluqqa qarshi turush ijra'iye idarisining bashliqi jo'il brénnér, washin'gton waqit gézitige éytqan sözliride, kuba, rusiye we iran qatarliq döletlerning ikkinchi orunda turidighanliqini bildürdi. U : " bu organlar bizning nisiwimizni yewatidu" dégen . U yene, xitay jasusliri amérikining ilghar téxnikilirini oghrilashta " nahayitimu qaramliq bilen " heriket qiliwatidu, ular da'im biz téxi téxnikilarni toluq tereqqi qildurup bolghiche qolgha chüshürüp bolidu, deydu.

Jo'il brénnérning idarisi hazir katirina lyang enzisining ziyanlirini bahalawatqan iken. Katirina lyang los anjilsliq sodiger ayal bolup amérika fédératsiye tekshürüsh idarisining uchur teminligüchisi idi. U 2003 ‏- yili béyjinggha jasus bolup ishlep bergen dep eyiblen'gen.

Jo'il brénnérning bildürüshiche , katirina lyang xitayning jasusluq organlirining mexpiy xadimi bolup, uning amérika fédératsiye tekshürüsh idarisining jasusluqqa qarshi turghuchi ikki neper yuqiri derijilik xadimi jeymis smit we bil kléwilandlar bilen jinsiy munasiwiti bar iken.

" Mana bu heqiqiy jasusluq herikiti, nahayitimu ongushluq élip bérilghan tipik "shirin tozaq" jasusluq herikiti" deydu jo'il brénnér. (Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.