Muhemmed peyghemberning hejiwi resimi "yer shari xaraktérlik krizis" yaratti


2006-02-07
Share

Daniye bash ministiri rasmussén, muhemmed peyghemberning tunji qétim daniye gézitide élan qilin'ghan hejiwi resimi keltürüp chiqarghan majirani "yer shari xaraktirlik krizis" dep atidi. U, musulmanlarni zorawanliqtin saqlinishqa chaqirghan. Rusmussén, diniy esebiyler " medeniyetler toqunushi" peyda qilish koyida yürmekte, deydu.

U, seyshenbe küni kopénxagénda chaqirghan muxbirlarni kütüwélish yighinida, " biz hejiwi resim mesilisde yer shari xaraktérlik kiriziske duch kelmektimiz " dédi. U, diniy esebiylerning bu majiradin paydiliniwatqanliqini eskertip, "bizning bu mesilini zorawanliq bilen emes, söhbet bilen hel qilishqa éhtiyajimiz bar " dep körsetti. Shuning bilen birge liwan, süriye we irandiki daniye elchixanisigha hujum qilish weqelirini eyiblidi. U, " daniye xelqi islamning düshmini emes. Biz barawerlikni qobul qilmaydighan kishiler yaki islamning düshmini, dep qariliwatimiz. Bundaq diyish toghra emes. Radikallar we diniy esebiyler medeniyet we diniy toqunushni kéngeytish koyida yürmekte" deydu.

Bu arida daniye hökümiti téhrandiki daniye elchixanisining hujumgha uchrash weqesige iran mes'ul bolushi kérek, dep körsetti. Iran daniye mallirini bayqut qilghan we daniye bilen bolghan soda munaswitini tonglatqan idi. Yawropa komitétining bayanatchisi johannis léytinbérgér, daniye mallirini bayqut qilish yawropa mallirini bayqut qilish bilen oxshash, dep bayanat élan qildi.

Bu jeryanda namayishlar islam dunyasida seyshenbe küni yene dawam qildi. Afghanistanning gherbiy - shimalida sh a o e t qisimliri bilen afghanistanliq namayishchilar otturisida toqunush yüz bérip, 3 afghan puqrasi ölgen. Hindonéziye, filippin, négiriye,pakistanlarda namayish ötküzüldi. Norwigiye süriye hökümitidin demeshqtiki elchixanisi üchün tölem tölep bérishni telep qilghan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet