Шарон, пәләстин қораллиқ күчлиригә зәрбә бериш һәққидә буйруқ чүшүрди


2005-01-16
Share

Исраилийә баш министири ариял шарон пәләстин қораллиқ күчлиригә қарши омумйүзлүк һуҗум елип бериш һәққидә исраилийә армийисигә буйруқ чүшүрди.

У йәкшәнбә күни ечилған ички кабентниң йиғинида,"исраилийә армийиси зөрүр тепилғанда ғәззә районида һәр қандақ һәрикәт елип барса болиду" диди. У йәнә пәләстинниң йеңи рәһбири мәһмуд аббасни "исраилийигә қаритилған һуҗумларниң алдини елиш тәдбирлирини қолланмиди" дәп тәнқидлиди.

Пәләстин қораллиқ күчлири 13 - числа ғәззә районида өзини өлтүривелиш характерлиқ партлитиш вәқәсини садир қилип, 10 нәпәр исраилийиликниң өлүшини кәлтүрүп чиқарғандин кейин, исраилийә, пәләстин һөкүмити билән болған барлиқ алақисини үзгән. Исраилийә армийиси шәнбә күни сәккиз нәпәр пәләстинликни етип өлтүргән иди.

Шәнбә күни пәләстин һөкүмитиниң рәислик вәзиписини тапшуруп алған мәһмуд аббас, иккила тәрәпниң зораванлиқ һәрикәтлирини қаттиқ әйиплиди. Пәләстин ташқи ишлар министирлиқиниң билдүрүшичә, мәһмуд аббас чаршәнбә күни пәләстиндики қораллиқ тәшкилатлар билән сөһбәт өткүзүп, уларни уруш тохтитиш келишими мақуллашқа чақиридикән. Пәләстин даирилири, шуниң билән бир вақитта исраилийиниңму уруш тохтитиш тәдбирлирини елип бериши керәкликини билдүрмәктә. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт