Sharon, pelestin qoralliq küchlirige zerbe bérish heqqide buyruq chüshürdi


2005-01-16
Share

Isra'iliye bash ministiri ariyal sharon pelestin qoralliq küchlirige qarshi omumyüzlük hujum élip bérish heqqide isra'iliye armiyisige buyruq chüshürdi.

U yekshenbe küni échilghan ichki kabéntning yighinida,"isra'iliye armiyisi zörür tépilghanda ghezze rayonida her qandaq heriket élip barsa bolidu" didi. U yene pelestinning yéngi rehbiri mehmud abbasni "isra'iliyige qaritilghan hujumlarning aldini élish tedbirlirini qollanmidi" dep tenqidlidi.

Pelestin qoralliq küchliri 13 - chisla ghezze rayonida özini öltüriwélish xaraktérliq partlitish weqesini sadir qilip, 10 neper isra'iliyilikning ölüshini keltürüp chiqarghandin kéyin, isra'iliye, pelestin hökümiti bilen bolghan barliq alaqisini üzgen. Isra'iliye armiyisi shenbe küni sekkiz neper pelestinlikni étip öltürgen idi.

Shenbe küni pelestin hökümitining re'islik wezipisini tapshurup alghan mehmud abbas, ikkila terepning zorawanliq heriketlirini qattiq eyiplidi. Pelestin tashqi ishlar ministirliqining bildürüshiche, mehmud abbas charshenbe küni pelestindiki qoralliq teshkilatlar bilen söhbet ötküzüp, ularni urush toxtitish kélishimi maqullashqa chaqiridiken. Pelestin da'iriliri, shuning bilen bir waqitta isra'iliyiningmu urush toxtitish tedbirlirini élip bérishi kéreklikini bildürmekte. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet